恭喜恭喜﹗王祖藍與李亞男今日下午13:14在網上宣布有喜，加上這日是兩人拍拖9周年的紀念日，可謂意義重大。已婚3年有多的王祖藍表示：「首先好感恩啦，可以在拍拖9周年紀念日去宣布這件事，我們拍拖是2009年，咁啱9年後有個小朋友，希望所有事都可以長長久久啦。亦都好感謝上帝，幫我哋安排晒所有嘢，都喺計劃入面進行，之前應承過太太搬出去二人世界之後，過2年左右先有小朋友，依家真係實現到，真係好感恩。」
李亞男則說：「好開心終於做媽媽，第一時間知道真的好驚喜，同埋有啲唔敢相信。因為我哋雖然係計劃今年，但冇諗過咁快就實現到，真係好感恩。其實仔定女我都冇所謂，因為我都會好鍾意。最緊要係BB成長過程夠健康，開心快樂。」
