余香凝與導演陳詠燊日前代表電影《逆流大叔》，出席美國舉行的紐約亞洲電影節，該片更於今日香港時間早上9時，在當地舉行世界首映禮，全院滿座，反應極佳。
余香凝很開心見到觀眾在放映後的反應，又對電影分享了很多睇法，她說：「可能電影對觀眾嚟講有唔少共鳴位，見大家喺放映後嘅問答環節都好踴躍。」余香凝原來是首次觀看《逆流大叔》，她亦被電影感動：「我一路睇一路諗番大家扒龍舟嘅戲份，拍攝嗰時真係幾辛苦，但係我哋好享受，大家一條心，即使幾攰都好，都會一直撐落去。（此行有何體驗？）因為是第一次去美國，預辦簽證時間唔係咁足夠，搞到上機前一日先拎到美國簽證，不過總算有驚無險。難得有時間去到紐約，活動之後都會遊覽一下先返香港⼯作。」
