舊愛分手後放唔低?蕭潤邦︰我一定會好好保護江若琳 (14:09)

文章日期:2018年07月31日

蕭潤邦(Oscar)與江若琳(Elanne)去年四月公開戀情後,關係一直甜到漏。Oscar今年初更向江若琳求婚成功,兩人將於年尾拉埋天窗,目前正努力籌備婚禮。不過,今日有雜誌指Oscar本來有位拍拖四年半的空姐女友Charmaine,二人更計劃去年買樓結婚。

誰知,他們在2016年10月去完布吉旅行後鬧交,最後分手收場。有指Charmaine以為跟Oscar冷戰一輪就無事,沒想過有人乘虛而入,令她痛失男友。報道指她分手至今仍未能放下,社交網上仍保留大量與Oscar的甜蜜照片,又不時留言作出大控訴。

對此,Oscar表示︰「我計計數,如果同前女分手大半年再拍拖,而現在女友咁都算係小三的話,一個普通人都可能拍過好幾次拖,咁咪要計埋我前前女友、前前前女友...我現女友已經唔係小三咁少了。如果該雜誌或所謂知情人士目的係令到我們唔開心的話,sorry,對於我們來說,實在太無聊,所以唔想再作任何回應,大家都已經有新嘅生活,只係希望各位傳媒朋友高抬貴手,唔好打擾到過去嘅朋友,至於我嘅現在、將來,我一定會好好保護江若琳,多謝大家關心!」

(即時娛樂)

明報影片