【靚女包圍】孖陳豪飾演殺手 黎耀祥預告騷六嚿腹肌 (18:25)

文章日期:2018年08月07日

【今日直撃】黎耀祥(祥仔)和陳豪繼6年前劇集《法外風雲》後,於新劇《殺手》中再度合作,兩人飾演的殺手甚有艷福,被李佳芯、江美儀、龔嘉欣、高海寧及麥明詩等靚女包圍。

祥仔早期原來要裝假肚腩演出,之後會處男下海騷腹肌,他說:「現在一年幫TVB拍一部,想精益求精,會揀過先接,這部劇好有挑戰性,我要騷六嚿腹肌,對我來講不大壓力,因為每逢開工都減肥的,而且仲有個幾月才拍到,但趕不及增肥再減,所以前期的肚腩就靠道具幫手。」談到內地有關部門徹查藝人稅項,祥仔大無畏表示:「香港演員返內地拍戲,多數交畀內地公司處理稅項問題,酬勞都是扣稅後銀碼,合約寫得好清楚,就算查都無乜影響,人哋幾十億、幾千萬,查到我死都未查到我啦!」

陳豪指自己今次無需除衫騷肌,不過一樣操練身段兩個月,因為戲中要應付好多拳腳打鬥,又要到台灣拍外景舞刀弄槍。至於仔細老婆嫩會否用替身?陳豪笑說:「會睇情況,如果自己做到都會親自頂上,除非高難度動作都會搵幫手,不要忘記我都拍過功夫片,以前跟內地的功夫高手對打過,我都好勁㗎!」

(即時娛樂)