27歲李蘊再做媽咪喇﹗李蘊今午在社交平台報喜，於八月八日誕下七磅重的B仔，母子平安，已育有一女羅紫晞的李蘊，湊成「好」字，可喜可賀﹗
李蘊在instagram上載照片，並透露已經返家休息：「報喜啦 我哋嘅小寶貝係8月8號38週當日已經出咗世啦 同家姐一樣順產 同樣重3.2kg（7.04磅） 不過今次只係痛咗3個幾鐘就生咗 雖然覺得痛過第一胎 但時間短好多 細佬真係錫（惜）住媽咪 多謝老公陪產期間 一直幫我加油同鼓勵我 仲幫我按摩舒緩痛楚
多謝劉珮琪醫生一直同我做產檢同埋接生 佢係一個又細心又有耐性又有經驗嘅超nice婦產科醫生 生完第二日個傷口已經唔痛 因為幾乎無傷口（極力推薦比各位孕媽媽） 同埋多謝法國醫院所有3樓嘅姑娘同姨姨 兩次生B都有好好嘅體驗 我哋已經返咗屋企休息啦！再次開啟母乳媽媽模式 多謝大家關心」
