【腦筋急轉彎】旅行遇颱風 雨僑羅力威轉飛宮崎返港 (12:41)

文章日期:2018年9月6日

正身處日本的雨僑和老公羅力威,原定9月7日返港,但受強颱風「飛燕」影響,關西國際機場跑道淹沒,兩人現時未知歸期,滯留大阪。雨僑日前上載兩公婆合照,見羅力威無奈扁嘴,似乎都幾憂心。不過與其無了期呆等下去,雨僑決定「轉場」,自行訂了機票9月8日四點半宮崎飛香港,她說:「現在當地情況很亂,公共交通工具都冇位呀,連車都驚租唔到,所以要走的話,唯有改飛宮崎,這是最好的辦法,東京、福岡、名古屋機位也要排到10幾號,票價已升到萬幾蚊一張,跟買劉德華演唱會飛一樣,一票難求!總括而言這次大阪行十足走難一樣!」

經過連番頻撲搶機位、搶車位後,雨僑終於撲到內陸機票去宮崎留一日。她猶如中獎的說:「總算鬆一口氣,內陸機都近嘅,兩程機都收到confirmation㗎喇。但航空公司都係未有任何update!」又言連日來在大阪街頭都撞到很多香港人,在餐廳大家都就像相識的朋友一樣,傾下如何返港:「大家都有唔同選擇,有些有小朋友、老人家都唔想去咁遠。難得逃出生天,索性喺宮崎book了個resort靚hotel,當玩多日補償!」

(即時娛樂)