【暫不可做運動】回家最好不過 余德丞:我出院啦… (17:52)

文章日期:2018年09月07日

29歲無綫新晉藝人余德丞上月8日晚參加足球賽期間感不適後昏迷,被送往瑪麗醫院深切治療部搶救,情况一度危殆,全城為他集氣送上祝福,至13日終轉往心臟科病房觀察,令大家為他鬆一口氣,余德丞更於21日透過無綫官網回應,當時聽到他中氣十足。余德丞今日(9月7日)終於完成治療和觀察出院,並在社交平台向大家報喜訊。

余德丞留言全文:

我出院啦 

感謝瑪麗醫院既(嘅)醫生同護士們,見住你地(哋)早更完又夜更,又一大早巡房,又每日24小時留意住我既(嘅)病情,真係辛苦你地(哋)!

感謝我既(嘅)屋企人,每日擔心我病情既(嘅)變化,又驚我唔知有咩需要,仲要每日頻頻撲撲幫我準備三餐。

感謝我公司,我經理人同一班好同事,成日擔心我會鑽牛角尖亂咁唸(諗),一得閒就開解我。

感謝我既(嘅)朋友,知我一個人悶,一有空檔就嚟陪我傾計(偈),仲要買埋生果糖水俾(畀)我食。

感謝每一位關心我既(嘅)你地(哋)同支持我既(嘅)fans,係(喺)唔同既(嘅)社交平台都見到有好多問候我既(嘅)訊息。雖然我未能夠一一回覆,不過我絕對感受到你地(哋)既(嘅)心意。

不過坦白講,原來連續咁多日面對住一樣既(嘅)三面牆,加埋打唔開既(嘅)窗,感覺真係好難受!所以我都希望今次之後,我既(嘅)身體會生生性性,爭一口氣,唔好再令大家擔心。

醫生話短期之內唔可以做運動住,相信都會係我最唔習慣既(嘅)。生命無take 2,今次咁好彩有多一次機會,我一定會好好珍惜。俾(畀)啲時間,等我休養多一陣,好快我就會重新出發#我只想身體健康 #回家最好不過 #第二生命#comebackstronger #happybirthdaytome #hk #hkig #instadaily #yuts