孖JW到杏花邨善後 超蓮嚇親:發泡膠多到似「雪山」 (22:44)

文章日期:2018年09月17日

颱風山竹肆虐本港,多處地區慘被風暴蹂躪,何超蓮﹑JW(王灝兒)﹑林恬兒和義工等,今午到重災區之一的杏花邨作善後工作,超蓮在instagram的限時動態拍片,當她見到眼前盡是垃圾和發泡膠後,也不禁大叫:「全部都係發泡膠,仲要唔係一層喎,下面仲有,好多發泡膠,黐線﹑黐線呀﹗」

當她和義工清理了大部分垃圾後,再次拍片,並說:「睇吓好咗好多,頭先係『雪山』咁樣。」及後超蓮和JW等人,齊坐港鐵離開,她們的波鞋滿布泥濘,超蓮說:「好誇張呀,好恐怖呀﹗」

JW亦在社交平台放相,並說:「我頭先係完全相信唔到眼前有咁多發泡膠!! 係好似雪山咁多!!!!! 執極都好似仲有!!好開心一班義工一齊幫手!好多住喺杏花邨嘅居民都一齊落嚟執垃圾!」

(即時娛樂)