【今日直撃】黎耀祥（祥仔）今日與蕭正楠及何廣沛化身公公入廚，在節目《延禧南巡》中炮製「荔枝避風塘炒皇帝蟹」、「荔枝炒咕嚕肉」及「荔枝雞蛋仔」給《延禧》一班演員品嘗。蕭正楠用刀切食材時大講有味笑話：「我要切條長椒畀阿佘﹗」阿佘即反問點解，阿蕭就答：「你知嘅﹗」阿佘隨後衝上台幫手，大展刀功。主持人阿Bob（林盛斌）又發揮搞笑本色，教幾位內地演員以廣東話講「咕嚕肉」，不過眾人最關注餸菜能否入口，擔心食完肚瀉，阿佘更表明要趕飛機走，阿Bob笑說：「不怕，機場好多廁所。」
祥仔今次煮餸並無煙火，他絕不擔心食壞人，大爆劇組做足準備，餸菜一早煮定，但都很好味的。祥仔聲稱也有追看部份《延》劇，覺得好好睇，劇情豐富，各演員也演得好好，是成功的因素。是否值得無綫劇仿效？他說：「我睇報道說此劇監製于正都喜歡睇港劇的，大家都有好有不好，互相交流，多點進步﹗」
