太太被爆與男子有「蜜」照曖昧私訊 黃浩然面色一沉:冇咩好回應 (23:01)

文章日期:2018年9月27日

黃浩然與太太莫家嘉(嘉嘉)於2005年結婚,二人婚後育有七歲和五歲的囝囝,兩公婆人前人後都十分恩愛。

不過本報收到告密信,內容包括嘉嘉與一名男子的親密合照,該告密信亦附有疑是嘉嘉和該名男子曖昧私訊截圖,而告密者更爆大鑊,指嘉嘉傷害別人家庭。

本報向黃浩然求證,他起初有點愕然,更面色一沉,當他翻閱告密者提供太太與疑似發生曖昧男士的親密合照以及私訊後,他便說:「呢啲好舊㗎喎﹗」確認相中女主角是其太太,他則力撐太太:「我對太太絕對信任啦!冇咩好回應,我同太太關係好,覺得無人可以做到任何事,傷害到我的家庭,因為我和家人好團結的。」

問他識不識相中的男主角?他說:「我唔識佢,唔識佢。」會不會跟太太開家庭會議,了解事件?他說:「咁我當然會話佢知有咁事發生啦!都無秘密嘅,但係...其實我諗啲相係....可能我都影過好多呢啲咁嘅相,因為大家出嚟玩,大家朋友,好正常,我覺得無乜嘢啫﹗(以後提太太小心啲?)唔需要,照正常。(有無不開心?)無嘢喎,不過我覺得有呢啲事發生好奇怪,對於我嚟講好平常,呢啲事喺我身上已經發生得遲嘞,我入了行廿幾年,先有人講呢啲,我覺得已經遲了,當笑料一宗。」

談到事件牽連到外父的名字也被爆出來,黃浩然為此感到憤怒:「當然嬲,我覺得好有問題囉,屋企人都攞嚟講,仲要用紅筆寫,都不關他的事,我是公眾人物就無所謂啫﹗」他表明不會再就有關事件作回應,免得再有手尾跟。

(即時娛樂)

明報影片