江若琳（Elanne）跟「生煎王」蕭潤邦（Oscar）年底將會結婚拉埋天窗，9月30日是Elanne的31歲生日，一向是「愛妻號」的Oscar特別安排兩家人一齊飛泰國布吉度假慶祝，原來是Elanne的願望，她在社交平台上載多張兩人「放閃」的恩愛照片，似乎是提早度蜜月。
Elanne寫上：「上年今日佢帶我黎（嚟）布吉呢個咁靚既（嘅）地方度過，當時我只係講左（咗）一句：『如果人生有機會帶埋爸爸媽媽一齊黎（嚟）玩，佢地（哋）都一定會好難忘。』估唔到今年佢真係為我實現左（咗）呢個願望！呢個男人係無得頂既（嘅）。我覺得生日有父母係（喺）度，更加有意義，因為我既（嘅）生命係佢地（哋）俾（畀）我架（㗎）！無佢地（哋）邊有我？最正係除左（咗))有我爸媽，佢爸媽都一齊陪我過呀！呢一刻我覺得我係世界上最幸福的小孩子，佢地（哋）健康快樂就係我最大既（嘅）願望啦！」
（即時娛樂）
