2018亞洲小姐競選以「鼓動・真我」為主題，部分佳麗日前大玩「酒後吐真言」，談到為何參選今屆亞姐而非港姐時，曾經參選港姐的（3）張靜茵語出驚人地表示：「2016年我選過港姐，當時我很單純，諗住畢業咩都想挑戰吓，但咁多次面試都並非簡單面試，原來好多佳麗喺面試背後做咗好多嘢，例如報名前就搵記者包裝自己，所以我都學到好多嘢，希望今次參加亞姐，可以發揮自己實力！」張靜茵還表示曾有朋友指她似大陸女星景甜。
至於問到她們的初吻，當中（9）李芷菱高呼初吻是場噩夢：「細個補習，有個男同學暗戀我好耐，有日佢突然吻我，我淨係記得佢係哨牙，而且仲係鋼牙（箍牙中），真係一個噩夢。」
