【今日直撃】肥媽瑪利亞（Maria Cordero）與陸浩明（6號）今日出席節目《肥媽優質食好D》拜神儀式，肥媽透露今輯只拍5集，教大家煮優質食材，兩日便完成拍攝兼煞科，笑言這次「好好撈」，簡單到好似在屋企煮飯一樣。
肥媽很開心個節目吸納到不同層面的粉絲，又有機會掙外快，她說：「月底應邀去澳洲出席有機農場開幕，煮牛肉畀幾百人食，最近又知道遠至哥斯達尼加和瓦努阿圖的觀眾都識我，最過癮去到洛杉磯和華盛頓的中餐廳，廚師反問我想點煮長腳蟹，好多人都鍾意睇我打6號屁股，所以我會徇眾要求照做。」
6號早前疑似帶女友去希臘影婚紗照，他即解釋每年都會一齊外遊慶生，身旁肥媽聞言即催婚，6號就希望買完樓先結婚。
