拍廣告重演《嚦咕》經典場口 梁詠琪升呢做「野蠻奶奶」 (22:30)

文章日期:2018年11月05日

梁詠琪(GiGi)近日忙拍戲又忙湊女,但仍抽空為醫學美容品牌拍攝代言廣告,亦是她首次擔任醫美代言人。廣告中,GiGi重演賀歲片《嚦咕嚦咕新年財》經典場口,但她由從前的新抱仔,「升呢」成為野蠻奶奶,搞笑演繹打麻雀,挑機三位「準新抱」,她說:「由新抱仔變奶奶原來仲好玩,最緊要大家睇得開心,我又可以搞笑發揮演技,其實我平時真係唔打麻雀,當日埋位拍攝,連邊個方向摸牌都唔記得,要在場工作人員教我,總算拍得似模似樣。」

(即時娛樂)