蘇永康昨晚與男神黃子華及杜德偉一家三口飯叙，剛剛在社交網分享合照，並大爆囝囝Jazz見到契爺黃子華一頭白髮，當場嚇到喊了出來。而早前農夫笑子華神好長氣，曾在慶功宴上傾了6小時，黃子華在農夫演唱會笑指對方講大話，但這次蘇永康就話大家有無盡話題，大家傾到午夜先散，杜德偉亦話黃子華是哲學家，「吹水」好過聽音樂。
蘇永康留言：「當Jazz見到契爺啲頭髮變咗白色當堂嚇到喊!!又話家常便飯點知又鮑魚又紅酒又甜品又盛…談天說地傾到午夜先走，其實真正老友使乜成日見？內心經常存在彼此方能長久，感恩 #brotherhood #friendship #happytogether #子華神 kubiming叫契爺 播放Jazz喜歡音樂立刻會開心番」
杜德偉回覆話：「成晚冇放音樂都唔覺悶，真係有講唔完嘅話題。」蘇永康回答：「我地（哋）對住個哲學家！梗係吹水好過聽音樂啦」
