【明報專訊】鄭嘉穎前晚出席《P風暴》雖沒有接受訪問，但笑騎騎心情勁靚，原來他在活動後回家有喜事宣布。他在社交平台報喜，27歲的太太陳凱琳（Grace）有咗，家庭將添一個小寶貝。嘉穎8月生日，BB趕及在他生日前出世慶祝他的50歲生日。
黃智賢跟鄭嘉穎老友鬼鬼，他戥對方開心，透露早前跟嘉穎與Grace飯敘時已得知此事。他說：「知嘉穎好恨做爹哋，他們都好開心及興奮地講這個好消息給我聽，我亦都『升呢』做埋契爺，但我沒有做契爺經驗，都是第一次。」他又爆嘉穎已知BB性別，至於是仔或女還是留給當事人講，他笑道：「我只可以講一個笑話給大家聽，就是他們去檢查照超聲波時，嘉穎看到即高呼：『咁大條嘅？』跟着醫生話：『鄭生！呢條臍帶來的。』說到這件事時我覺得好好笑，他們也忍不住笑。」未知是否暗示Grace佗男B？Grace父親接受訪問稱女兒生仔或女無所謂，平常心。
記者：林祖傑
■明報報料熱線﹕inews@mingpao.com / 9181 4676
