劉浩龍（師兄）宣傳新歌《阿龍理髮》，繼上次做理髮師傅，一邊唱歌一邊替素人理髮後，今次化身暴走族拍攝日系搞笑影片。師兄戴上經典暴走族象徵的飛機頭假髮，玩足4個「狂風VS假髮」挑戰，測試要多大風力才吹走假髮。趣怪造型在拍攝期間，引起不少路人觀看和拍攝。
師兄搞笑沒有騎改裝電單車，而是踩單車。他將測風儀插在飛機頭上，全力飛馳運動場。雖然風力時速18公里，連測風儀都吹到落地，但師兄的飛機頭依然堅挺。移師室內，師兄分別面對10台電風扇、人手6個風筒，從不同角度猛吹，風力時速達21和32公里，飛機頭都無被「吹甩」。最後出動直立式吹風機，集中吹個飛機頭，師兄不敵強勁風力無法張開眼，臉皮更被吹到「一浪接一浪」，測風儀亦因風力過猛無法測量，飛機頭終被吹走。
完成4個狂風挑戰的師兄笑說：「今次做暴走族幾好玩，大家一邊拍一邊笑，係吹到有少少眼乾。」師兄的暴走族造型亦引起好多回應，有人說像《超級學校霸王》 角色「余忌安」。師兄好滿意成果，最開心是𧨾到大家笑。
