【跟女兒同月同日】董敏莉剖腹誕7.2磅B女「子子」 (12:51)

文章日期:2018年11月27日

董敏莉(Monie)日前剖腹誕下女兒,B女重7.2磅,Monie透露老公在產房陪產,迎接新生命來臨,她說:「我專登揀自己生日當天開刀,以後方便一齊慶祝,囡囡跟我同月同日兼同磅數出世,真是緣分!我們一早已經幫囡囡改好名,中文名叫子子,英文叫Martha,初時會餵人奶,希望將最好的營養給BB。」

Monie指生產過程雖然順利,但因肌瘤頗大,增加手術風險:「因為肌瘤阻住產道,所以醫生一早經已話要開刀,無得順產。不過醫生都講明有危險性,驚失血過多,有二千分之一機會要切除子宮,最終醫生盡力幫我止血,大小平安。不過醫生話個肌瘤都幾大,可能半年之後,要做手術切除。」

董敏莉笑言BB未出世,已經有吸金能力,好多贊助商送上BB用品,Monie表示停工兩個月後,會慢慢復工:「電台主持方面,我已請了兩個月假,待我身體回復之後,就會返去開咪。(將來會否考慮母女檔上陣?  )長遠當然係未諗,如果阿女好似我咁靚,爸爸又准許的話,也不介意她入行。」

(即時娛樂)

明報影片