毛舜筠自家品牌曲奇餅店開幕 與老公發生無數次拗撬 (16:15)

文章日期:2018年12月08日

毛舜筠(毛姐)自家品牌曲奇餅店今日開幕,媽媽、家姐、弟弟及老公區丁平等齊來打氣支持。毛姐前一晚零晨3時才睡,今朝6時即自動波彈起身,她說:「我較了7時的鬧鐘,唔知點解6點就醒,突然間諗起呢間舖,『哎吔!我baby要出世喇!要畀大家睇吓我baby個樣呀!』興奮!真係興奮!」

毛姐原來為了間舖與老公有不少拗撬,她笑說:「譬如曲奇包裝或舖頭的設計,其實我已經覺得好好,但他是美指,永遠覺得可以再好啲,哈哈。但如果要再做過,就趕唔切開張,所以我會𧨾他話依家已經好好,我哋開咗舖先,我會keep住有餅出,到時他就再可以有新的design出來,這招通常都過到骨,哈哈哈﹗」

毛姐指二人除了2個女,今次是他們第二次合作所生的「結晶品」,見到整間店舖由老公設計,感覺到有好多愛,就算有幾多拗撬都好值得。

(即時娛樂)

明報影片