「大肚婆」單文柔上月中出席公開活動時，未見肚凸凸，之後靜心在家養胎，只得老公陳展鵬單獨出來見傳媒。日前單文柔在社交網上載BB衫，令人以為她公布BB的性別，陳展鵬否認BB是囡囡，上載圖片只為答謝贊助商，並講明暫時不會公布BB性別，以免增加太太壓力，慎防產前抑鬱。
單文柔今日在網上終於現身，原來約了兒童節目《Think Big天地》拍檔鍾晴飲茶，二人更影合照，亦見到單文柔肚凸凸，鍾晴更用手放在肚皮上，單文柔留言話：「難忘同你一齊系（喺）think big的日子 #笑我無左（咗）條腰」，鍾晴就轉發圖片並回覆一句「寶寶快啲出世等姐姐同你玩」
