梁漢文與太太林文慧於2008年結婚,不知不覺間已踏入10周年。今日在社交網上載92年初相識的合照,重溫昔日的日子外,並以此作為慶祝。
梁漢文留言:「最近睇返(番)幅相先留意到,原來同佢認識嘅第一日喺92年4月6號,哈哈!嗰日有朋友幫我地(哋)影低咗呢一張兒時合照,都幾有記念性 今日到咗我哋結婚10週(周)年嘅日子,從98年拍拖到08年結婚,呢20年我哋一齊領略過唔同嘅滋味,有喜亦有悲。發生開心事嘅時候我哋會盡情慶祝,遇到唔開心嘅事我哋會互相扶持。希望往後嘅日子你繼續健康快樂 #結婚10週年 #眨吓眼就到 #時間快到有啲驚」