【多圖‧醉爆壽星仔】關智斌38歲生日 獲祖兒阿Sa贈香吻 (13:48)

文章日期:2018年12月30日

今日是關智斌(Kenny)的38歲生日,Kenny相約大班好友搞生日派對,出席者包括容祖兒﹑謝霆鋒﹑蔡卓妍(阿Sa)﹑鍾欣潼(阿嬌)﹑張致恆﹑鄭希怡(Yumiko)﹑古巨基和太太﹑麥子豪等,而出席完新城勁爆頒獎禮的張敬軒,亦趕得及現身派對。

眾人的dress code以bling bling打扮為主,基仔身穿演唱會歌衫到賀,大伙兒玩得盡興又熱鬧,祖兒和阿Sa吻賀壽星仔,而被灌醉的Kenny,亦向好拍檔張致恆獻吻,Kenny的面上還有大片唇印,他搞笑問個唇印究竟是誰。

Kenny在社交網貼上多張生日派對照,並說:「今日係小弟同埋我個細妹 @dorothy_pa 嘅生日,同月同日不過隔左10年! @choisaaaa仲特登買咗個高達頭蛋糕俾我,係我咁多年收過最特別嘅蛋糕 #又靚又細心 #正菜妍誠意推介 #唔係流個喎 仲有一班識咗10幾年嘅朋友 #真係好老友呀 #你把我灌醉 #我會記住 Btw,個唇膏印究竟係邊個。

又大一歲啦!終於18歲啦!前嗰幾年都係劇組渡(度)過,加上性格低調 #應該係 所以都好少搞生日會,不過今年一班好sweet嘅朋友話要搞大佢喎,佢哋仲好開心咁諗左主題 Dress code #blingbling 話要比(畀)一個Surprise party我 #其實就唔係好surprise #你哋邊守到秘密㗎 #我仲有史提芬咁大支針喺度 不過有啲咩朋友嚟我又真係唔知道,真係好窩心同感動!#好多謝你哋呀 所以我特登將其中一個生日願望許願送咗俾(畀)你地(哋) #不過我唔可以講 #唔係會唔靈 #人生有個真正朋友的確好極 #我仲要唔止一個 #fulloflove #係 #我個樣係幾醉」

(即時娛樂)

明報影片