【「雙古」齊鳴】古天樂替基仔個唱加持:大家記得撲飛 (22:26)

文章日期:2019年01月07日

古天樂(古仔)和古巨基(基仔)這個「雙古」組合,向來老友鬼鬼,基仔將於今年4月11日及12日,假紅館舉行演唱會Part2,門票將於下周二(15日)公開發售,身為基仔老友的古仔當然支持。

基仔今晚在instagram上載跟古仔的視像片段,先後奪得「叱咤樂壇我最喜愛的男歌手」的「雙古」惺惺相惜,古仔幫老友宣傳個唱,又叫大家記得撲飛,而基仔則表示自己都好喜歡唱歌,還清唱了幾句古仔金曲《男朋友》,而二人的對話內容亦十分搞笑:

古仔:Hello﹗基仔﹗

基仔:請食飯呀,我最喜愛嘅男歌手,古仔。

古仔:多謝多謝。我其實好鍾意唱歌,不過我係唔識唱咁解啫。

基:我都真係好鍾意唱歌呀﹗(古仔:夠喇夠喇﹗)但係我識唱喎。

古仔:你識唱咪你唱囉。

基仔:「回答我可不可以 暫時讓我講出感覺後 才直說你有男朋友 現在就要走」

古:得喇得喇,知你威啦﹗我知你演唱會開Part2,等你Part2嗰陣,晚晚唱爆佢,如果大家想睇基仔演唱會,記得早啲去撲飛喇﹗

基仔:走走走﹗(古仔:得喇。)拜拜﹗撲飛喇﹗

基仔則在ig留言:「早兩日我打比(畀)我最喜愛男歌手叫佢請食飯,佢叫我拿拿聲去紅館開我個Part2演唱會!古仔我留飛比(畀)你喔。」

(即時娛樂)

明報影片