陳茵媺讚陳豪湊小朋友好叻 爆大仔跟細女愛鬥嗲 (17:02)

文章日期:2019年01月10日

【今日直撃】陳茵媺今日出席品牌活動,打扮型格又帶點性感,她笑言這是健康的性感,這次見人想有型一些。提到今日由老公陳豪負責照顧小朋友,陳茵媺說:「他ok,好多我做到的,他都做到,當然未必似我咁好,但係他都得的,所以放心。(在家會爭住湊小朋友?)會,由大仔開始已經係,聽到喊就會出去睇,小朋友都好黐我們兩個。(細女最嗲爸爸?)阿女其實個個都嗲,本身性格真係好嗲,媽媽爸爸都會嗲,大仔又係好嗲。」

陳茵媺笑指大仔跟細女平日鬥嗲,反而二仔比較Man及文靜,將自己的情緒收埋。至於三個小朋友在家會否打架?她說:「好少打架,普通爭玩具都會,最終都會解決得到,因為我成日同他們講『We are one big happy family, we need take care each other』,要互相照顧對方,他們是要互相遷就,大家先可以公平些。」

提到早前親自設計家庭月曆,陳茵媺坦言是讀設計出身,亦正製作家庭相集,希望給家人及自己睇返過去一年的美好回憶。追問無綫有否叫她回去拍劇?陳茵媺透露有傾過,但首要是時間上配合得到,要照顧小朋友及拍攝上取得平衡。

(即時娛樂)

明報影片