【勁歌總選】排練兩星期 王梓軒帶領22位新人合唱 (23:02)

文章日期:2019年01月12日

王梓軒今晚獲邀擔任《2018年度勁歌金曲頒獎典禮》表演嘉賓,帶領22位應屆新人合唱《邊緣引力》、《羅賓》及《無盡》的組曲,眾歌手為此演出排練兩星期,希望有最佳效果。作為導師的王梓軒說樂壇每年都有「後浪」湧現,而且實力、唱功都好有水準:「其實大家都係專業,佢哋對演出都好有要求,望住佢哋都諗番起以前嘅自己。所以今次同佢哋一切練習幾十個小時,雖然辛苦啲,但大家都好享受當中過程,最後睇得出佢哋好齊心用力去練好表演,好振奮!」

有否想起自己以前等宣布獎項時的緊張心情?王梓軒說:「去到頒獎禮現場,雖然真係一個氣氛濃烈嘅盛會,但本身意義都係慶祝,唔係比較,所以平常心享受個騷最好。依家我都冇以前咁睇重獎項,反而更享受通過各種渠道同樂迷、影迷直接溝通。」他透露今年會開入行10周年演唱會。

(即時娛樂)

明報影片