鄭嘉穎跟陳凱琳（Grace)兩公婆昨晚拍住拖去紅館睇張學友《A Classic Tour》演唱會，雖然Grace腹大便便，不過學友的門票可謂一票難求，加上有老公全程拖到實照顧在則，一家三口齊齊去睇騷，絕對不成問題。Grace特別在社交平台上載他們跟學友在後台的合照，並留言說：「多謝老公請我去睇張學友！太好聽！太精彩啦！」而兩人現身觀眾席時惹來哄動，有網友更拍到二人在席上的片段，見他們一邊睇騷一邊手拖手，當學友在台上說：「希望大家都珍惜身邊的人！」時，嘉穎更十指緊扣拖緊老婆，大曬恩愛，甜到漏。其實早於寶麗金年代，學友和嘉穎已經是同門師兄弟，今次聽到師兄獻唱，未知「棒球小子」嘉穎會否都有丁點技癢呢？
