鄭伊健將於下月24日，假紅館舉行一連6場個人演唱會，伊健現正閉關練歌和綵排。昨晚有粉絲被一個名為「EkIn Cheng」Facebook帳號私信，冒認伊健要求該粉絲代處理重要文件，並以20%利益作為酬勞。
不過粉絲與「伊健」對話內容疑點重重，一時表示自己正在做「巡迴」，一時表示自己去了「旅遊」，而粉絲根本清楚知道伊健在香港籌備演唱會，所以立即析辨出是「A貨」。
伊健所屬寰亞經理人公司Lam and Lamb Entertainment代表林珊珊得知事後，立即向有關交友平台檢舉，並發出嚴正聲明，以正視聽。
鄭伊健回應：「寫咁多字，一睇就知唔係我啦！我好感恩我啲粉絲咁醒目，有懷疑就即刻通知我公司處理，大家咁乖，我會更加努力練歌同排舞，演唱會時仲有驚喜畀大家！（咁你有冇用公文包㗎？）公文包？我個袋得支水同遊戲機㗎咋，依家人大咗，身外物唔見咗就算。（平時有冇同啲粉絲聯絡？）我哋仲用緊飛鴿傳書㗎！」
