鄭中基請林二汶任個唱嘉賓 囡囡獲黃秋生讚前途無量 (18:19)

文章日期:2019年02月09日

鄭中基世界巡迴演唱會香港站昨晚在紅館做到第四場,黃秋生、麥秋成、衛志豪與女友阮兒等圈中人捧場,更有林二汶擔任個唱嘉賓。

林二汶先獨唱一曲《我代你哭》,再跟鄭中基合唱《無忘花》,鄭中基台上解釋請對方做嘉賓的原因,指多年前在K房見面,二人無唱歌只談音樂,「今次請嘉賓想要音樂感好強,對音樂有堅持、有熱誠,於是請了她來。」林二汶大讚鄭中基是她的啟蒙老師,記得曾話過自己把聲唔靚,但又懂得去運用,這番說話可謂陪住她進步。

黃秋生大讚鄭中基女兒Emma前途無量,他說:「真係要講吓佢個囡囡,佢囡囡至係人,之前有個女仔把聲好勁,嗰啲唔係人嚟㗎!小朋友把聲係應該咁,我話嘅,十年後見真章。」

(即時娛樂)