蔡卓妍（阿Sa）昨午出席完活動後，便立刻去機場會合好姊妹鍾欣潼（阿嬌），二人齊齊撇低另一半外遊，豈料她們竟然擺烏龍。阿Sa今日凌晨在車內拍片，自爆和阿嬌去錯酒店，認真大頭蝦，阿Sa說：「勁搞笑囉，我哋啱啱今（昨）日到埗，跟住一到埗就行街，依家已是凌晨一點幾，啱啱去酒店check in，點知我哋去錯咗酒店。」此時阿嬌便說：「有誤會。」阿Sa續說：「我哋同酒店負責人講咗勁耐，佢一路話冇我哋個名，跟住我哋一路堅持冇可能。」阿嬌插嘴：「都話食飯個陣check咗in先啦﹗」此時阿Sa再說：「笑爆嘴。」
阿Sa再留言稱：「旅行烏龍記 #去錯酒店 #唔係麗晶酒店係麗晶大賓館 #出道18周年旅行 #係518 #唔係515 #亦唔係815 #啲數字搞到我好亂 #數學真係唔係我個friend #twins旅遊記 #話走就走之旅。」
