再度榮升媽咪的前港姐張嘉兒，現時正在坐月，專心照顧細女劉在懿（Hannah），今日凌晨嘉兒在社交網上載一張餵哺母乳的照片，並表示好快已經上奶：「第二次做媽咪果然每樣野都容易得多。好快已經上咗奶，然後BB已經曾（增）磅。佢瞓又瞓得越（愈）嚟越（愈）好，食又食得越（愈）來越（愈）多，好順利好開心呀。
最難得嘅就係大女同埋二女佢哋相處得越（愈）嚟越（愈）融洽，我都慢慢掌握左（咗）佢哋兩個嘅時間表。今晚呢個時候佢哋已經瞓緊覺，我就睇婚姻合夥（伙）人。大家可以留意下，有我份㗎。
拍嘅時候我記得啱啱生完大女四個月，成日要係公司pump（泵）奶。估唔到而（依）家播出嚟嘅時候，我就係屋企餵完奶。#在芯在懿 #上奶成功 #BB食得瞓得屙得 #大女亦都好似好照顧細女咁 #成日話做littlehelper 」有網民擔心嘉兒這張哺乳照，會否泄春光，不過嘉兒表示已檢查多次，她淡定說：「遮晒，唔使擔心。」
