參加歌唱比賽入行的阮兆祥（祥仔）早前宣布回歸樂壇，將於10月舉行個人演唱會，又會出唱片。昨天（5月23號）是祥仔的52歲生日，他現身中環IFC行人天橋及中環碼頭，舉行兩場《處男快閃BUSKING》，獻唱了《K歌之王》、《心之科學》及《愛很簡單》等，吸引大批途人圍觀及要求合照。
祥仔演出期間，突然有3名彪形大漢走出來，聲大夾惡地阻止途人影相及追問工作人員︰「邊個畀你喺度唱歌呀？嘈住我知唔知呀？你話唱就唱呀？同邊個申請呀？有冇同我申請呀？」現場氣氛緊張，祥仔一度被嚇至不懂反應。
事後，祥仔猶有餘悸，他說︰「我本身已好緊張，睡得不太好，因為這是我人生第一次Busking。誰知道，唱唱吓有幾個人衝過來，仲要聲大大好有殺氣，我最初有被他們嚇親，後來才知道只是虛驚一場...」至於到底是如何「虛驚一場」，祥仔賣關子：「大家遲一點就會知，留意我的社交網，保證你和我一樣『驚』喜。」
