【緊急呼籲】勸市民為安全盡快離開 王喜:攻打差館只換來傷亡   (20:07)

文章日期:2019年08月05日

反修訂《逃犯條例》行動持續,民間發起今日(5日)「全港罷工,七區集會」,情況愈演愈烈,警方向參與人士施放催淚彈,亦有示威者到差館投擲物品。不過,入娛樂圈前曾為皇家香港警察的王喜,今日拍攝短片作出緊急呼籲,他呼籲市民切勿圍堵或襲擊差館,因攻打差館只換來傷亡。短片中,王喜一臉凝重說:「我係王喜,我喺度呼籲依家喺任何一間差館附近嘅市民即刻離開,唔好向差館投擲任何物品,因為呢啲動作都會被當值嘅指揮官或者視作為差館被攻打,差館一旦被攻打嘅話,差館裏面嘅所有差人就會各就各位,用佢哋所有能夠用得到嘅方法,即係by all means,去捍衛差館,去保護差館,呢啲方法當中必然係包括開槍,所以你圍堵差館、向差館投擲物品,其實係得唔到你想要嘅嘢,反而你會得到你最唔想要嘅嘢,就係傷亡。喺呢度我再一次呼籲,喺任何差館出面附近嘅所有市民,喺呢一刻,即刻離開,即刻離開,唔好向差館投擲任何物品,唔好向差館投擲任何物品,即刻離開。」

(即時娛樂)