泳兒近日推出新歌《花心》，早前於東龍島取景拍攝MV，需要下海玩濕身，她說：「我要浸喺水入面，但面部唔落水，導演諗住只係浸一下，但係我哋敵不過大自然，因為啲浪一沖過嚟，有一下大家都『嘩』咗一聲，成個浪冚住咗我塊面，飲咗幾次海水。雖然唔係喺水入面浸咗好耐，但一上水就發覺浸到皺皮，哈哈！」
《花心》延續了歌曲《野木蘭》的內容，《野木蘭》MV講天使與魔鬼慢慢轉化成人，今次《花心》MV就是當他們變成人後，他們會想做什麼？做了人之後，又會否如他們想像中般開心、多姿多彩？而泳兒於今次MV飾演Falling Angel，她轉化成人後，擁有超自然能力，故MV中會看到她懸浮的鏡頭。
娛樂組
