鑑於近月社會氣氛，港台日前宣布決定暫停「第42屆十大中文金曲」的頒獎禮和音樂會，改為製作跨媒體特備節目於明年1月下旬播出。除了中文金曲外，據悉原定在12月28日於會展舉行的《2019新城勁爆頒獎禮》，亦決定取消實體頒獎禮，改為「隨時隨地」頒獎。
新城知訊台執行總監程凱欣表示：「正如之前所講，新城勁爆頒獎禮係會照樣舉行，不過之前都提過，今年頒獎模式比較同以前好唔同，會比較破天荒，所以唔可以話某一日係頒獎日，或有一個實體嘅頒獎典禮。今年承接往年頒獎禮，好多嘢加埋一啲數碼元素。今年口號係『音樂共享，拉近距離』，希望藉住一啲新科技或數碼平台，將歌手同樂迷距離拉近，頒獎形式係隨時隨地會發生，唔係喺一日入面發生，亦都唔止喺Studio發生，亦唔排除去有第二個地方發生。今年亦利用新城電台有一個全新平台『新城至hit賞』給樂迷投票，詳細稍後會公布。」
