【區選投票創新高】何韻詩:年輕人流過血汗絕不能忘記... (13:33)

文章日期:2019年11月25日

2019年區議會選舉投票率破紀錄達71.2%、投票人數逾294萬,全港共452個議席中,民主派大翻身,建制派重創。之前在社交網呼籲市民投票的何韻詩,昨晚不斷於facebook匯報各區票選情況。

凌晨時分阿詩有感而發撰文:「可以創歷史新高嘅投票率,深信入得票站嘅每一位,投票一刻腦海都閃過過去呢五個月香港人共同經歷嘅每一幕、同埋有付出過嘅所有手足、同路人嘅每一張臉。年輕人流過嘅血與汗,香港人又點可能忘記,係絕對唔可能忘記。

選舉成功破咗建制鐵票局,亦正式向世界量化咗我地(哋)嘅力量。但大家都明白,區選只是另一個戰場嘅開始。各位年輕當選人請開始動腦筋,務必將區議員呢個身份(分)設定再改良進化,俾(畀)心機諗諗如何將抗爭帶入社區,甚至如何以社區工作去延續呢場為自由嘅抗爭、連繫同路人。千萬唔好辜負過百萬送你地(哋)入議會嘅選民嘅期望。

香港人,可以做嘅、要做嘅仲有好多好多,未來日子絕對不能鬆懈。今(昨)夜,各位請准許自己開心一晚咁多,明天繼續加多幾把勁。我們不放棄,直到煲底相見。」

不少藝人昨天也有份去投票,盧巧音在ig上載日出靚相:「噚日投完票,好開心。原來呢個能量係真㗎!香港人早晨呀。」商台DJ Donald亦在ig上載和朋友於沙灘跳起的動感照片:他說:「開心到跳起~」

(即時娛樂)