【嘴似爸爸】太太剖腹產女 周柏豪自爆入產房10秒即喊 (20:37)

文章日期:2019年12月04日

35歲周柏豪今日宣布做老竇,太太Stephanie日前(2號)為他誕下小公主。柏豪晚上再到醫院探太太及女兒,心情大好,企定影相及接受傳媒訪問,「好開心,因為幸福不是必然,我同太太咁幸運、幸福有一個咁可愛的BB女,但仍未改名。她出世時重6磅7安士,醫生話母女平安亦好健康,好感恩。(懷孕消息收得好秘密?)因為屋企好多老人家,覺得最安全時候,出院、返到屋企跟大家交代」。

相關新聞︰【B女重6.7磅】35歲周柏豪做老竇:這刻感覺難以形容

柏豪直認當日有入產房,並發覺女人是好堅強的,「入到去以為自己可handle,原來是不可以,入到去10秒就喊,太太反而叫我堅強啲,唔好嚇親醫生護士。(太太是開刀還是順產?)開刀。(太太情況如何?)OK,她不斷照顧BB,我就照顧她,其實覺得自己做不到什麼,斟茶遞水,扶起身落牀,但我已經覺得好攰,更何況是女人、母親,我覺得女人好偉大」。

柏豪透露女兒是12月2日出生,過多2日就出院返屋企,會拿時辰八字去改名,暫時先叫BB、囡囡。至於有否乳名?他說:「無,未有乳名。(BB似誰多些?)嘴似我,應該幾多口,我會受晒,大家都講女兒一定恰爸爸,我希望個女是個有家教的女兒,不會恰爸爸。」

(即時娛樂)

相關字詞﹕周柏豪 做老竇