羅仲謙與老婆楊怡當年因合作演出劇集《On Call 36小時》擦出愛火，不過，兩人拍攝該劇期間、尚未拍拖時，發生了一段不為人知的小插曲。羅仲謙在昨晚播出的《娛樂大家》中一個「真假話題」環節，他自爆「曾為追女仔冬天深夜跳海」，陸浩明問他是否楊怡時，羅仲謙拒絕回答；但當「阿姐」汪明荃再問是否楊怡，羅仲謙即乖乖承認。羅仲謙憶述當時在港島的一個沙灘上：「佢大我，但又睇唔出我真係咁大膽跳（落海）。」阿姐即說楊怡幾任性，因對方曾演過她的女兒。羅仲謙指當時楊怡對他說，如果他跳落海便做他的女朋友，阿姐聞言表示：「咁抵啦，你識游水，你係教練嚟嘛！」
羅仲謙坦言當時除下衣服，僅穿上內褲，由沙灘岸邊游到浮台，他還在浮台大聲問楊怡「可唔可以做我女朋友」，可惜楊怡沒有應承。羅仲謙說自己有後悔，皆因當時現場沒有救生員，十分危險。羅仲謙揭曉答案前，阿姐相信他沒有講大話，因他很鍾意楊怡；最後，羅仲謙也承認所講的全是真話。
