由王梓軒（Jonathan）主演8場的舞台劇《利瑪竇》part 2，上周六（4日）假尖沙嘴文化中心開鑼。雖然今次是重演，換了部分演員，但跟上次一樣一票難求，座無虛席。第3場當晚，莫文蔚（Karen）與哥哥莫理斯前來捧場，並異口同聲力讚梓軒做得好好。
Karen說：「好勁呀！成件事好震撼，同埋我覺得Jonathan好犀利，得佢先可以做到，冇人可以做到呢個角色，真係冇第2個。佢一出場已經覺得好靚仔，佢個和尚Look都好得，今次幾驚喜。（哪一部分最感動？）有好多，我都係基督徒，裏面講嘅好多嘢都打動到我，我覺得成個騷都好難，真係好難，啲音樂、拉丁文、意大利文，好深嘅嘢……」Jonathan盼有天能跟Karen做音樂劇，更即場邀請對方，Karen話：「可以，好呀！你報咗名喇？」
