阮民安（Tommy）今日在社交平台透露，他訂購的第二批口罩已到貨，今次主要是想優先分配給醫護、孕婦、行動不便及低收入人士的自己友，所以今次不會在街上派口罩。
阮民安留言：「『我話左（咗）做就會做！第二批口罩到港，繼續送俾（畀）各手足，歡迎分享』香港人，我地（哋）繼續自救，唔准死！繼續大有大做，細有細做！見到澤哥、阿之鋒哥咁有心班到咁多口罩返嚟，有送嘅，又有成本價賣嘅！黄色陣營嘅手足，就係咁有行動力，咁有心！好，入正題，上次派完口罩之後，真係收到極多inbox，有好多急需要人仕（士）嘅，有行動不便嘅，有想送口罩俾（畀）大家嘅有心人，有想捐錢俾（畀）我入貨俾（畀）大家嘅！真係好多好多！所以我一路都無停過，為咗各手足，喺世界各地唔同地方咁瘋狂咁去搵口罩！同埋今次主要係想優先分配俾（畀）醫護、孕婦、行動不便同低收入人仕（士）嘅自己友，所以今次我就唔會喺街派啦！下集預告，大量消毒洗手液！！！」
