已離巢無綫的羅鈞滿，於上星期三（12日）在微博上載一張戴著CSI口罩自拍照，當時他身處機場，並留言指出門搵口罩錢，有眼利網民發現羅鈞滿戴了CSI口罩，質疑他的口罩如何得來，是否已轉行做公務員？還是出席了「警星飯叙」的禮物？
相關新聞：【武漢肺炎】羅鈞滿戴CSI口罩惹質疑 網民：喺邊度買
事隔逾一星期，羅鈞滿今日凌晨在社交網，交代CSI口罩風波，他說：「其他嘢唔多講﹗因為相信嘅就點都會相信，唔相信嘅就講乜都唔會相信，依家嘅說話只係對愛錫（惜）我嘅咁多位講﹗因為我覺得大家有權知道事實﹗12號我戴住CSI口罩去吉隆坡﹑14號返到香港﹑16號去食波後飯（指警星飯叙）﹑17號波後飯嘅片流出，之後就『被時空交錯』變成『食完波後飯就有得戴CSI口罩上機』。」之後羅鈞滿還hashtag：「#今（昨）日先真係飛 #唔好誤信傳言 #唔好時空交錯 #好人一世平安。」不過有網民則指羅鈞滿沒有解釋如何得到CSI口罩。
