無綫前體育主播伍家謙在社交網宣布榮升做老竇,太太謝麗萍剖腹誕下龍鳳胎,伍家謙接受《明報》訪問時說:「好開心﹑好興奮,我有入去陪產,畀鼓勵太太,佢係剖腹,當時同太太傾緊偈,唔知幾時先聽到BB喊聲,點知講完呢句,B仔出嚟先,我同太太都感動,有流眼淚,跟住妹妹出世,希望佢哋身體健康﹑相親相愛。」
相關新聞:【老婆誕龍鳳胎】伍家謙榮升父親:阿哥細妹喊得好嘈呀
問到是否已幫龍鳳胎改名?他說:「已改,再畀風水朋友睇睇,改好會公布。呢個時勢其實小朋友嘅人生係佢哋自己,做父母嘅會帶佢哋行一條好啲嘅路,希望佢哋做到自己想做嘅嘢,對佢哋有乜要求?呢一刻唔諗咁多,希望佢哋健康,做善良嘅人,要對媽媽好。(B仔似你靚仔?B女似媽咪靚女?)冇諗過呀﹗兩個(BB)差唔多,可以收工,唔該晒﹗」