陳明恩效力無綫（TVB）10幾年，原來已約滿離巢，正在播出的劇集《飛虎之雷霆極戰》是她在TVB最後的演出作品。陳明恩在社交網宣布離巢消息︰「好開心有機會參與TVB《飛虎之雷霆極戰》，可以一齊飛去倫敦拍戲！ 真係好難忘！😍 這是我在TVB參與最後一部電視劇，好感激咁多年可以有機會喺TVB工作，認識到好多好有才華嘅人，同埋結識咗好多好朋友。多謝TVB、樂小姐、珍姐、多謝咁多位監製，導演，前輩，藝員同事，化妝、服裝、髮型同事 ，同埋所有幕後同事，畀好多機會我同埋教識我好多嘢，喺我人生裏面有著（着）好重要的歲月。我已經好掛住大家，珍惜你哋每一位。我現剛約滿，會休息一陣，稍後會繼續嘗試不同類型的演藝跳舞唱歌工作，追求一個更進步的自己，期待為大家帶來更多的新鮮感，謝謝各位。❤」
