【明福俠閃現電視城】Do姐森美黎芷珊成功搵黎明集郵 (12:24)

文章日期:2020年06月07日

「明福俠」黎明(Leon)昨晚閃現將軍澳電視城,出席籌款騷節目《萬眾同心公益金》,即時成為場內集郵目標,當中節目主持人鄭裕玲(Do姐)、森美、黎芷珊及陸浩明(6號)成功集郵,並於個人社交平台分享,但陳詩欣及施匡翹就不敢上前,離遠用手機自拍,不過二人已很滿足跟黎明同框。

事後各人在網上亦有留言,鄭裕玲:「Long time no see﹗ #黎明」,森美:「唔好講笑 張相令我諗返起 我剛剛出道 美好的歲月 #第一次合照!」,黎芷珊:「黎明真係幾時都咁靚仔! #公益金 #萬眾同心公益金 #longtimenosee #emcee #黎明」,陸浩明:「完show啦,今日Leon出現一廠呀仲出現咗求合照人龍 同黎生合照係做公益金最大嘅福利 好想睇明福俠嘅片」,陳詩欣:「盡情羡慕我們吧 我偶像嘅偶像 終極偶像 #行近我又怕驚動你」。

相關新聞:黎明現身電視城 蔡思貝孫慧雪陳詩欣變身小粉絲

(即時娛樂)