ViuTV新劇《地產仔》首播，跟TVB《殺手》同時段對撼，前者以一班後生仔女帶來新鮮感。首集以吳肇軒飾演的令狐飛好出位，由裝修仔變地產仔，帶點傻氣，角色極討好。劇集開場先來兩間地產公司曬馬，為爭生意各出奇謀。廖子妤飾演魚哥，率「和聯興地產」的手下到新樓盤爭生意，跟業界龍頭「龍星置業」的鄧少對壘。魚哥跟鄧少說：「你哋賣嘅係磚，我哋賣嘅係家！」這句對白令網民好感慨，有留言：「現實中唔會有人賣家，現實中亦冇魚哥，全部都係賣磚頭。」地產經紀賣樓的伎倆全展現，雖然誇張少少，但令人會心微笑。劇中不時提到年輕一代無能力買樓，講出不少人的心底話有共鳴。
《地產仔》首集播映反應不俗，有人話：「睇完第一集，睇好令狐飛！」，有讚搞笑又貼地。不過，有網民嫌太漫畫化與誇張。劇中做裝修的令狐飛因為打風而到裝修單位唧玻璃膠補窗邊漏水，有網民話：「打風落雨邊會有人補漏水，做資料蒐集要做好啲！」
