教煮餸搵老公做「白老鼠」 人妻Jessica@SG廚藝大躍進 (14:09)

文章日期:2020年06月30日

女子組合Super Girls(SG)成員蔡明思(Jessica),首次主持烹飪節目《台灣煮家蔡》,去年底成為人妻的她直言,為讓老公能晚晚食到「住家飯」,這半年來不斷鑽研廚藝,現時廚藝已大躍進!

提到首次主持烹飪節目教煮餸,Jessica坦言有壓力和緊張,事前做足準備工夫,她表示:「因為自己未試過拍節目教煮餸,係會緊張,擔心製作時步驟出錯,所以事前喺屋企煮好多次先,將味道改良,睇吓點樣將碟餸變得更好食。」

Jessica笑言平日拿老公做「白老鼠」,她說:「節目中嘅菜式,絕對係有搵老公做白老鼠啦,如果要拍攝前,佢一個星期就係不斷食同樣嘅餸,真係煮到自己有信心咁先至會去錄節目。」

Jessica直言因疫情關係令廚藝大躍進,她說:「因為疫情多了時間喺屋企,所以成日煮飯畀老公食,佢返工咁辛苦,都想佢食餐好,食得健康啲。」

(即時娛樂)