郭奕芯（Ashina）最近伙拍《全民造星II》十強參賽者歐鎮灝（George）為悠閒服裝品牌拍攝秋冬造型照。二人均是首次參與廣告工作，從未試過拍廣告的Ashina開心說：「過去從未試過全日影相影咁多個鐘，今次要著冬天衫喺室外拍攝，雖然熱但都OK，因為拍攝進度好快，整個工作好快就完成，而且大熱天時著冬天衫其實都幾好玩。」
最近才簽約ViuTV的George演出經驗不多，今次與Ashina的合作，對他來說也很新鮮：「過去只拍過《造星II》，今次算是比較特別嘅體驗，而且有一定難度，因為我係第一次為咗工作拍攝情侶照，過程有啲緊張，又表現得有啲怕醜同尷尬，因為我好少咁樣同女仔影相。」
中秋節將至，問二人將會如何度過，Ashina表示不會特別慶祝節日，但佳節當前，她都會吃月餅應節。至於George就因為屋企較注重節日，所以由細到大每逢中秋節，媽媽就會提他回家吃飯。
