鄧麗欣為新歌填詞怕被退貨 黃貫中:唔好講到我好惡 (12:48)

文章日期:2020年11月17日

由鄧麗欣(Stephy)主演的電視劇《男排女將》即將在ViuTV播映,今次Stephy親自為劇集主題曲《著地》主唱及填詞,更邀請到大師級音樂人黃貫中(Paul)作曲及擔任歌曲監製。Stephy表示新歌是一首很陽光的勵志歌:「劇集主題係講排球,排球成日有一句說話係『球不著地,永不放棄』,所以副歌都有講到千祈唔好畀個波跌落地,就算跌咗都唔緊要,喺邊到跌低,就喺邊度企返起身。」

Stephy早前到Paul的錄音室錄歌,對於今次首度合作,Stephy事前甚緊張:「第一日知道要同Paul合作,已經好緊張,仲要我自己寫詞,好驚畀佢ban我啲詞。中間我哋都有溝通過首歌要點唱,過程中我都好驚自己用詞不當,唔識用音樂語言同佢溝通。」

怎料Paul大唱反調笑言:「唔好講到我好惡喎,我記得我有問過Stephy『呢兩個字係咪差少少音』,點知佢話『冇呀,我唔覺喎』。佢一啲都唔驚我,有時會同我爭論,有交流先好呀,唔係我話乜就乜。」Paul亦大讚Stephy專業,錄音進度比原定預計時間更快完成。

在錄音工作接近尾聲時,Paul的愛妻朱茵親臨現場探班,大讚Stephy唱功了得,在旁的Paul霸氣撒嬌笑說:「我呢?讚埋我啦!」

(即時娛樂)