日前艾威應苑瓊丹邀請，參觀對方新投資的「熟餸包」工場，兩人客串廚房技工，為食物進行加工。艾威手法熟練，他表示平時有下廚，煮得一手好菜。艾威表示早前有計劃投資，但發現籌備過程困難重重。
為免污染廠房，兩人參觀時要穿上保護衣及戴口罩。苑仔拒透露投資金額，笑指自己不算「富婆」，叫人不要打她主意：「因為疫情冇得出街，有朋友攞啲餸嚟我屋企畀我試食，覺得幾好味就決定入股。其實都係睇時勢去投資，依家人人都要返工，所以呢類熟餸包應該有得搞，咁我就負責做宣傳、度橋，煮食、衛生就由拍檔代勞。」
為宣傳新生意，苑仔碌爆人情卡，邀好友拍宣傳片：「依家周身人情債，唯有無限量贊助老友，包晒佢哋一日三餐，等大家覺得好食再擺上網。」
