吳浩康（Deep）日前接受許文軒主持《StarTalk》訪問，談到翻唱歌曲《農民Remake》感受。Deep說：「翻唱Beyond嘅歌冇壓力，因為之前已經喺一啲騷上向Beyond致敬，已經面對過翻唱Beyond嘅關口，同埋我放棄咗喺首歌上做到自己特色，原因係（黃）家駒嘅唱法，我已經入晒血，與其我要『搣甩』，不如喺我記憶入面做到最好，盡情唱。」
Deep要兼顧唱歌事業，又要教學生唱歌，再加上他近年愛上Camping和越野單車，所以每天的行程，排得密密麻麻，問到豈不是沒時間投入新戀情時，他說：「早幾日發現我嘅生活圈子只得我啲學生，好似所有嘢都係我啲學生話我知，拍拖？遇到先啦！依家會睇定啲。（之前經歴令你唔敢輕舉妄動？） 直頭嚇親，我想認識先可以開始，呢幾年嘅關係可能開始得有啲倉卒。」
