前空姐開Live爆張振朗見高拜見低踩 龔嘉欣為事業放棄嫁入豪門 (18:20)

文章日期:2021年01月12日

張振朗奪得「最受歡迎電視男角色」,在台上發表得獎感受時,曾講到:「我家人教導我一定要識尊重別人,別人先識尊重你。」但有前空姐在YouTube開Live爆料表示對張先生沒有太大好感,她說:「佢唔講由自可,一講我就爆,佢講到一定要尊重別人,別人先會尊重你,唔好玩啦,我身邊有朋友本身有份唔錯職業,但佢又鍾意演戲,所以會去片場做臨時演員,做咗好多年,我間中約佢吹水食飯,閒談間問過佢,片場內有冇邊個演員特別乞人憎?佢諗咗陣,話張先生喺度扮大哥,見高拜見低踩。」

之後談到龔嘉欣,該前空姐指嘉欣獲兩個大獎是實至名歸,「一路知道無綫有呢個姐仔,但冇乜印象,直至睇佢演《殺手》,真係刮目相看兼脫胎換骨,佢拍打戲數一數二,打得好好睇,好多鏡頭親身上陣,呢套電視劇令佢開竅,之後《香港愛情故事》,佢可以做鄧萃雯接班人,佢在場多謝黎耀祥時真情流露,祥哥個人好好,當年攞視帝,隔籬廠清潔基層員工都走過來恭喜佢,張生學吓嘢,要人尊重要做到一視同仁」。

該空姐又爆料,聽過一位馬來西亞空姐朋友講,指龔嘉欣為了事業,放棄做豪門少奶奶,她說:「聽大馬朋友講,大馬豪門已收到佢哋婚訊,原本佢(龔嘉欣)可以嫁入豪門,但佢放棄做少奶奶,專心事業。」

就前空姐爆料一事聯絡張振朗,他以短訊回覆《明報》:「唔係事實唔回應啦,謝謝。」

相關新聞:空姐開Live講最喜愛藝人乘客 古天樂靚仔友善排第一名

(即時娛樂)